Bank tarixi

Eron Saderat Banki — xalqaro moliya maydonida ishonch ramzi

1952 yilda asos solingan Eron Saderat Banki bugungi kunga kelib dunyoning 10 dan ortiq davlatida faoliyat yuritayotgan yirik moliyaviy institutlardan biridir. 3 500 dan ortiq ofis va filiallarga ega bo‘lgan bank xalqaro miqyosda keng qamrovli xizmatlar ko‘rsatib, barqarorligu ishonchliligi bilan tanilgan. Bankning bosh boshqarmasi Eronning yuragi — Tehron shahrida joylashgan bo‘lib, u moliyaviy tizimning muhim markazlaridan biri sifatida faoliyat olib boradi.

Saderatbank Tashkent — ikki davlat o‘rtasidagi ko‘prik

Saderatbank Tashkent O‘zbekiston va Eron o‘rtasidagi iqtisodiy hamkorlikni mustahkamlash maqsadida tashkil etilgan bo‘lib, o‘z faoliyatini 1999 yildan beri mamlakat hududida muvaffaqiyatli davom ettirib kelmoqda. To‘liq xorijiy sarmoyaga asoslangan ushbu bank O‘zbekistonda barcha turdagi bank xizmatlarini taklif etadi hamda savdo-sanoat aloqalarini rivojlantirishda muhim o‘rin tutadi.

Bizning ustuvor maqsadlarimiz

Bank faoliyatining asosiy yo‘nalishlaridan biri — Eron va O‘zbekiston o‘rtasidagi savdo operatsiyalarini qo‘llab-quvvatlash, tadbirkorlar va investorlar uchun qulay moliyaviy muhit yaratishdir. Saderatbank Toshkent ikki xalq o‘rtasidagi iqtisodiy aloqalarni yanada chuqurlashtirish, yangi imkoniyatlar ochish hamda savdo jarayonlarini soddalashtirishni o‘z oldiga maqsad qilgan.

Maqsad aniq — rivojlanish yo‘lida birgalikda

Saderatbank Tashkent o‘z mijozlari uchun ishonchli moliyaviy hamkor bo‘lishni, sifatli xizmatlar, qulay shartlar va zamonaviy bank yechimlarini taklif etishni davom ettiradi. Bizning maqsad — ikki davlat o‘rtasidagi iqtisodiy ko‘prikni yanada mustahkamlash va hamkorlik ufqlarini kengaytirishdir.

Saderat Bank direktorlar kengashi qarori

2025-yil 7-yanvar kuni bo‘lib o‘tgan Saderat Bank direktorlar kengashining 1298-sonli majlisida quyidagi masalalar ko‘rib chiqildi va ishtirokchilar tomonidan bir ovozdan tasdiqlandi:

1. “Saderat Toshkent Bank”ning huquqiy maqomi aksiyadorlik jamiyati shakliga o‘tkazilsin.
2. 2024-yil 16-martdagi majlisda tasdiqlangan operativ reja asosida
   “Saderat Tashkent Bank” ATB ustav kapitali 500 milliard so‘m (besh yuz milliard so‘m) miqdorida oshirilsin.